Pastor Prophet Akim umushumba w’itorero rya Blessings Miracle Church i Kanombe yatunguranye ari mu mubare mwinshi w’abantu bari kwamamaza Paul Kagame umukandida w’ishyaka rya RPF Inkotanyi riri kubutegetsi.

Mu gihe muri uyu mwaka wa 2024 u Rwanda rwitegura amatora y’umukuru w’igihugu n’abadepite amashyaka ya Politike n’abakandida batangiye ibikorwa byo kwiyamamaza ari naho Pastor Profet Mbarushimana Akim yatunguranye mu mwambaro w’ishyaka rya RPF yamamaza umukandida Paul Kagame watanzwe n’iri shyaka ku mwanya w’umukuru w’i gihugu.

Impamvu abantu babibonye nk’igitangaza nuko bidasanzwe kubona umushumba w’itorero mu bikorwa nkibi byo kwamamaza abakandida b’amashyaka ya Politiki bitewe nuko baba bafite inshingano zo guhuza abantu bose muri rusange kuko murusengero hashobora guhurira abantu bari mu mashyaka atandukanye.

Ibi byatumye IYOBOKAMANA tuganira na Pastor Prophet Mbarushimana Akim maze ubwo twamubazaga ku mafoto ye twabonye ari mubari kwamamaza Paul Kagame umukandinda w’ishyaka rya RPF Inkotanyi yatubwiyeko rwose ariwe kandi ko ibyo yakoze abizi ndetse anabyemera n’umutima we.

Ati:”Njyewe ndi umwe mubantu bakozweho cyane nibyo Perezida Paul Kagame yakoreye u Rwanda birimo kuzana ubumwe n’ubwiyunge mu banyarwanda,Kugeza u Rwanda kw’iterambere rirambye,kuruha igitinyiro mu ruhando mpuzamahanga n’ibindi byinshi ntarondora kuburyo kumushyigikira nkamwamamaza ngo akomeze ayobore u Rwanda rwose nta pfunwe ntanikimwaro binteye kuko ubushumba ntibwashoboye gutuma mpisha amarangamutima y’urukundo nkunda uyu muyozi.

Pastor Prophet Akim yakomeje avugako n’ijambo ry’Imana risaba abatambyi gusabira cyangwa gusengera abayobozi nkuko byanditse muri 1Timoteyo 2:1-3( Irya mbere ya byose ndaguhugurira kwingingira abantu bose, no kubasengera no kubasabira no kubashimira, 2ariko cyane cyane abami n’abatware bose kugira ngo duhore mu mahoro tutabona ibyago, twubaha Imana kandi twitonda rwose. 3Ibyo ni byo byiza byemerwa imbere y’Imana Umukiza wacu.)

Pastor Prophet Akim yavuzeko urukundo akunda Paul Kagame rwatumye ananirwa kwihanganira kutamwamamaza

Ati:”Njyewe iyo nkunze umuntu kubera ibyiza bye kwiyumanganya simbishobora niyo mpamvu Paul Kagame musengera ngo Imama ikomeze kumuha uburame n’ubwenge buhanitse kugira ngo akomeze kutugeza ku bindi byiza maze u Rwanda rwacu rukomeze gutera imbere.

Pastor Prophet Akim ni umushumba w’itorero rya Blessing Miracle Church i Kanombe uyu akaba azwiho kuba Umuhanuzi akaba n’umunyabitangaza ukomeye usengera abantu Imana ikabakiza indwara zitandukanye ndetse akaba azwiho kugira umutima wita cyane ku gufasha abatishoboye kuko avugako iyo umuntu ashaka ko Imana imukorera nawe akorera abandi bityo ko gutabara ababaye ari ugukora igikorwa cy’ubu Mana .

Harabura iminsi mike mu Rwanda hakaba amatora y’umukuru w’igihugu n’Abadepite azaba kuwa 15 Kamena aho abakandida batatu barimo Paul Kagame wa RPF ,Dr.Frank Habineza wa Green Party na Mpayimana Phillippe nk’umukandida wigenga hamwe n’abandi batandukanye baturuka mu mashyaka atandukanye ndetse n’abigenga.