Apostle Mignonne Kabera umuyobozi mukuru wa Women Foundation Ministries akaba n’umushumba mukuru w’itorero rya Noble Family yahuguye abakirisitu batekereza ko kuba muri Kirisitu ari ukugira ngo bahabwe ibifatika nyamara intego y’ubwami bw’Imana ari iyo kugira ngo tube ibyaremwe bishya .
Nkuko ijambo ry’Imana ribivuga mu gitabo cya Matayo 6:33 ahavuga ngo Ahubwo mubanze mushake ubwami bw’Imana no gukiranuka kwayo, ni bwo ibyo byose muzabyongerwa uyu mushumba yabwiye abakirisitu ko ikigenzi Imana ishaka ari uko abantu baba bashyitse kandi bashikamye mu Mana kuruta amazu ,amamodoka n’ibindi bitandukanye abantu twifuza.
Ibi Apostle Mignonne Alice Kabera yabivuze ku munsi wa 10 w’amasengesho y’iminsi 21 ari kubera kuri Women Foundation Ministries ubwo yarimo abwiriza ijambo ry’Imana.
Muri aya magambo uyu mushumba yagize ati:”Ntabwo turi muri Kirisitu kugira ngo duhabwe ahubwo turi muriwe kugira ngo Tube aha uyu mushumba yakomeje atanga urugero rw’uburyo hari abantu babushka abandi ngo aho wagiriye murusengero n’amaguru wabonyeyo iki ?
Ati ubwo ni nkaho yakubajije ngo kuki wowe utarabona imodoka,ukaba nta nzu ufite abandi bazifite .Yatanze igisubizo cyo gusubiza bene aba bantu ko ugomba kubabwira ngo ntabwo njya murusengero cyangwa ndi muri Kirisitu Yesu kugira ngo mpabwe ahubwo ni ukugira ngo mbe icyaremwe gishya nzabone ubugingo buhoraho.
Apostle Mignonne Kabera mu gushimangira impuguro yatangaga yifashishije ijambo ry’Imana ryanditse muri 1 Yohana 3:2 ahagira hati:”Bakundwa, ubu turi abana b’Imana ariko uko tuzamera ntikurerekanwa. Icyakora icyo tuzi ni uko Yesu niyerekanwa, tuzasa na we kuko tuzamureba uko ari.
Aha yakomeje avugako tutaje muri Kirisitu kuhahahira ko ahubwo twaje muri Yesu kugira ngo duhinduke ibyaremwe bishya maze uko Yesu kristo azasa natwe tuzase nawe.
Ibi iyi ntumwa y’Imana yahuguye abakirisitu binashimangirwa n’ijambo ry’Imana dusanga mu rwandiko Pawulo yandikiye Abafilipi 3:7 ahagira hati:”Nyamara ibyari indamu yanjye nabitekereje ko ari igihombo ku bwa Kristo”.
Iri jambo rishatse kuvugako usibye no kuba umuntu yajya munzu y’Imana cyangwa mugakiza akurikiye ibifatika ahubwo agakiza gashobora gutuma umuntu anagira ibyo ahomba kubwa Kirisitu Yesu.
Twibutseko igiterane cy’amasengesho y’iminsi 21 kuri Women Foundation Ministries gikomeje ,ubu kikaba kigeze ku munsi wacyo wa 18 bikaba kiteganijwe ko ku munsi wacyo wa 21 ni ukuvuga kucyumweru kizabera muri BK Arena aho kwinjira bizaba ari ubuntu.
