Apostle Victor Mikebanyi uyobora itorero rya Lealese International Mission yimikishije amavuta aninjiza mu murimo w’intumwa (Apostle) Bwana Pastor Aloys Munyeshyaka umushumba mukuru w’amatorero ya Kingdom Gospel Center aho yamubwiye ko mu byo ahamagariwe harimo kwamamaza ubutumwa bwiza, umuzuko wa Kirisitu no kurinda itorero ndetse no kuryagura.
Uyu muhango wabereye mu biroli bikomeye byabaye kuwa gatandatu Taliki ya 02 Ugushyingo 2024 wabereye muri ku mugabane w’Iburayi mu gihugu cya Norvege ahitwa Slemdlsvein ahakorera iri torero rya Kingdom Gospel Center bikaba byarabereye mu giterane ngarukamwaka cy’iminsi itatu cyatangiye ku wagatanu kikaba kizarangira kuri iki cyumweru.
Pastor Aloys Munyeshyaka wasutsweho amavuta y’intumwa yaraherekejwe n’umufasha we Madame Emmanuella n’izindi nshuti n’imiryango bari biganjemo abakozi b’Imana bavuye ku migabane yose yo kw’isi ndetse hari imbaga y’abakirisitu b’iri torero aho abagabo bari babyambariye amakositime abari n’abategarugori bashananitse bose ubona bishimiye cyane kuba uyu mukozi w’Imana ahawe inshingano yo kuba intumwa kuko bamuziho ubuhamya bwiza no gukunda umurimo w’Imana.
Apostle Victor Mikebanyi wakoze uyu muhango yasabye Intumwa y’Imana Aloys Murwanashyaka gukomeza kugira ubunyangamugayo no kubaha neza inshingano ahawe kandi akemera kuba umugaragu wabo ashinzwe kuyobora.
Ati:”Mu byo uhamagariwe harimo kwamamaza ubutumwa bwiza, umuzuko wa Kirisitu no kurinda no kwagura itorero ry’Imana nkuko Yesu yabivuze ngo nimugende mu mahanga yose muhindurire abantu kuba abigishwa banjye”.
Apostle Victor Mikebanyi yasabye Aloys Munyeshyaka kuba umwungeri mwiza, ntabe nkababandi babona isega igeze mu bana b’intama bagahunga cyangwa bakaba Intumwa zitangiza amatorero aruko zisenye andi matorero .
Yagize ati:”Intumwa y’Imana ni umuntu ushinga itorero akanaryubaka nyamara muri iyi minsi hari bamwe biyita intumwa ariko aho kubaka itorero ahubwo bakayasenya baba bifuza gutangira itorero bakajya murindi maze bagatangira kubwira abantu ko nabo bafite umuhamagaro ko babajyana gutangirana itorero rwose icyo gihe ntabwo uba uri intumwa y’Imana ahubwo uba uri igisambo”.
Uyu mushumba yakomeje avugako itorero rya nyaryo Intumwa y’Imana igomba kuritangiza aho yasanze abantu batazi Yesu bityo rero Nyakubahwa Ntumwa y’Imana ugomba kumenya ko ugomba kwagura itorero ugashinga andi.
Apostle Aloys Munyeshyaka yambitswe ikanzu anasukwaho amavuta anahabwa Bibiliya nk’ijambo ry’Imana ririmo amahame azifashisha muri izi nshingano ahawe maze arapfukama asengerwa n’abashumba batandukanye bamusabira imbaraga zizamushoboza gusohoza neza izi nshingano ahawe maze ashyikirizwa Certicate y’uyu murimo yimikiwe”.
Apostle Aloys Munyeshyaka mw’ijambo rye yabwiye abitabiriye uyu muhango ko yuzuye amashimwe ku Mana kuba isohoje uyu munsi anashimira cyane abakirisitu ba Kingdom Gospel Center kuko bamufashe amaboko kandi bakaba aribo batumye yinjizwa muri uyu muhamagaro wo kuba Intumwa y’Imana.
Yagize ati:”Napfukamye ku masengesho yanyu,mbaho murukundo rwanyu,mwihanganira intege nke zanjye mubana nanjye mumurimo w’Imana rwose bamwe muri mwe muri abo gushimirwa cyane kubwo guhagararana nanjye mw’itangira kugeza nubu.
Nyuma abakirisitu inshiti n’abavandimwe bahaye impano uyu mushumba bamwifuriza ishya n’ihirwe mu murimo ahawe kandi bamwizeza kuzamuba hafi muri byose.
KURIKIRA UKO UMUHANGO WAGENZE:
