Israel Mbonyi umaze iminsi muri Tanzania aho yagiye gukorera ibitaramo bibiri birimo icya VIP cyabaye mu ijoro ryo ku wa 2 Ugushyingo 2024, byamenyekanye ko igitaramo cyageze amatike yashize mbere y’umunsi nyiri zina.
Iki gitaramo cya mbere cya Israel Mbonyi muri Tanzania cyabereye ahitwa Mlimani City.
Itike ya make yo kwinjira muri iki gitaramo yari ibihumbi 100TZs (hafi ibihumbi 50Frw), iya VIP yari ibihumbi 300TZs (hafi ibihumbi 150Frw) na ho mu myanya ya VVIP bikaba ibihumbi 500TZs (hafi ibihumbi 250Frw).
Uretse iki gitaramo cyavugishije benshi, byitezwe ko Israel Mbonyi ataramira abakunzi be muri rusange mu kindi kiza kubera ahitwa Leaders Club kuri iki Cyumweru tariki 3 Ugushyingo 2024.
Iki gitaramo cyo kukinjiramo ni ibihumbi 20TZs (hafi ibihumbi 10Frw) mu myanya isanzwe n’ibihumbi 50TZs (hafi ibihumbi 25Frw) mu myanya y’icyubahiro.
Israel Mbonyi yakoreye igitaramo cya mbere muri Tanzania kuri uyu wa Gatandatu
Israel Mbonyi yaririmbanaga n’abakunzi be
Israel Mbonyi yatanze ibyishimo ku bakunzi b’umuziki we bo muri Tanzania
Ubwitabire bwari hejuru muri iki gitaramo cyari cyitabiriwe n’abifite
Israel Mbonyi yanyuzagamo agacuranga gitari nkuko ajya abigenza
Byari ibyishimo kuri Israel Mbonyi wataramiramiye bwa mbere muri Tanzania
