Umuhanzikazi Mahirwe Adeline yashyize hanze indirimbo ye nshya yise ngo “Ku ngoma ” iri muburyo bw’amajwi n’amashusho yumvikanamo amagambo ashyimangira amahoro,ibyishimo n’umudenzezo bibonerwa muri Kirisitu Yesu.

Uyu mugore ufite ijwi ryuje ubuhanga wamenyekanye cyane mu nakorali atandukanye nka Sion ua ADEPR Mahoko, Shalom ya ADEPR Nyarugenge iyi ndirimbo ashyize hanze ni iya 4 ikaba iri mu mujyo wizizaba zigize Album ye ya mbere agomba gushyira hanze mu mpera z’uyu mwaka.

Aganira na IYOBOKAMANA.RW, Madame Mahirwe Adeline yavuzeko Iyi ndirimbo “Ku ngoma ” yayanditse ashaka gushimangira agaciro twahawe n’amaraso ya Yesu Kirisitu umwami w’abamwizera bose .

Yagize ati :”Mbere yuko ifasha abandi bari buyumve yabanje kumfasha njyewe ubwanjye kuko nkunda cyane kuririmba umusaraba wa Yesu kuko waduhesheje agaciro gakomeye.

Muri iyi ndirimbo ndirimba ngira nti :”Ku ngoma yawe Yesu twahaboneye umudendezo,twahaboneye umutekeno,twahaboneye ibyishimo ,twarabohowe kuko imigambi Yesu yaradufiteho yo kuducungura yemeye gupfa kugira ngo isohore bityo ntakindi namwitura usibye kumuririmba no kumuha icyubahiro.

Ku musaraba byose warabikoze wikorera intimba zacu reka mwami nkuririmbe kubwo ibyo byose wakoze “.

IUyu muhanzikazi yakomeje avugako kuba akunda cyane kuririmba imbaraga n’umumaro by’umusaraba wa Yesu kirisito ari kimwe mu bintu bituma akunda cyane Umuhanzi Bosco Ncuti kuko nawe aririmba cyane umusaraba wa Yesu.

Mahirwe Adeline akomeje gahunda yo gutunganya indirimbo zizaba zigize umuzingo we wambere yifuza ko uyu mwaka agomba kumurikira abakunzi b’umusaraba.

Iyi ndirimbo mu mu buryo bw’amajwi yatunganijwe na Popeeh naho mu buryo bw’amashusho itunganywa na Sabey Gilbert aba bombi bakaba bari kwitwara neza muruhando rwo gutunganya indirimbo.

REBA HANO AMASHUSHO Y’INDIRIMBO “KUNGOMA BY MAHIRWE ADELINE: